آذربایجان

ارومیده  بیر بویوک سیلاح یوکی تاپیلیب  

بیر بویوک سیلاح یوکی ارومیه ده(باتی آذربایجاندا) تاپیلیب .بو سیلاح یوکی نی  قاچاقچی لار تورکییه ده ن ایرانا گتیریدیلر  کی ایران مامورلاری   توتدوبلار. جالب بوراسی کی هاممی   قاچاقچی لار  مامورلارین الینده ن  قاچیب لار  بو قاچاقچیلارین قاچماقی او  زماندی کی   ایران مامورلارین  دئدیقلارینا   گوره   قاچاقچی لاری   غفلتده  توتموشدولار . ایران مامورلاری  دئییللر قاچاقچی لار   قارین یئرده قالماسی و   داغلارین اوجالیقیندان   استفاده  ائلیریب  و قاچیبلار.

بو سیلاح یوکونده 243 کمری سیلاح ،123 شکاری سیلاح،150 کلت  گوللـه سیی  و 480  شکاری گوللـه سی  واریدی .

آسوشیتدپرس خبر آژانس ین  وئردیقی  خبر   گوره   چیلله آیین  29دا   آذربایجان نین  بیر افسری  بیر سیلاحلی  گروپون  ساواشیندا  اولوب. بو سیلاحلی گروپ  ایران مرزلرینده ن   آذربایجانا  حمله  ائله میشدیلر.

 بو آژانس  دئییر  اولن  افسر  بو ساواشدا  یارالانمیشدی کی   خسته خانایا    یتیشمه میش  یارالانماقینین   اوستونده اولور .آذربایجان هلم دئمیریب    بو سیلاحلی گروپ  کیمیدی   و  نئ یه    آرالاریندا ساواش  اولوب ؟

سیاسی تحلیلچی لر بو  اولایی(حادثه) بئله   بیلیرلر   کی    ارمنستان ینان  ایران آراسیندا   روابط  آیدین و آچیق اولماسینان   ایران ایستیریب بو شکلیده آذربایجانا  بیر ساو(پیام)   گونده رسین و   اوز  حمایتی نی    ارمنستاندان   گوسترسین . ارمنستان  یاخین لیقدا  تورک اوتوران  تورک تبریز  بولکه ده  ایستیر بیر    کونسوللوق آچا   .بو کونسوللوق  آچیلماسینان   ارمنستان  اردبیل    بولکه سینده   کی    اودا   بیر   تورک اوتوران  بولکه دی   ایستیر  سرمایه  قورسون . یاخین لیقدا   آذربایجان خاریجه روابطی  دئمیشدی  کی ایران گره ک  اوز دئدیقی کیمی   اوز وعده لرینده  دورا . کی بو اولاینان ایران اوز  خاریجه سیاستی نی  آذربایجانا بیلدیردی .

ایران  آذربایجانا وعده وئرمیشدی  کی  قره باغدا(آذربایجان توپراقی کی ارمنستان الینه کئچیب)سرمایه قورماسین  و ارمنستانی  تحریم ائله سین .ارمنستان ینان ایران  روابطی   ایران ینن  تقریبا مفته گاز وئرمه سینن   آرالاری گیزیشیب.ارمنستان ایندی حالدا  آذربایجانین  بیشده ن  بیر(5_1) توپراقینی  غضب ائلیریب  .